30 mar 20:26
Yangiliklar

Basketbol

NBA. "Leykers" yana mag'lub bo'ldi, Dyurant etakchiligidagi "Bruklin" esa g'alaba qozondi

Teglar : NBA

Bugun NBA muntazam chempionati doirasida uchta o'yin bo'lib o'tdi.

Dallasdagi (AQSH) "American Airlines Center" arenada NBA muntazam chempionatining navbatdagi o'yini bo'lib o'tdi. Unda "Dallas Maveriks" jamoasi "Los-Anjeles Leykers"ni qabul qildi. Uchrashuv mezbonlarning 128:110 hisobidagi g'alabasi bilan yakunlandi.

Mezbonlarning g'alabasiga eng katta hissani sloveniyalik basketbolchi Luka Donchich qo'shdi. U 34 ochko, 12 ta riband va 12 ta samarali uzatmani amalga oshirib, tripl-dabl qayd etdi. Malik Monk 28 ochko, 4 riband va 2 samarali uzatma bilan "Leykers" safida eng yaxshi natijani ko'rsatdi.

Eslatib o'tamiz, "Los-Anjeles Leykers" NBA G'arbiy konferenciyasi turnir jadvalida 11-o'rinda, "Dallas Maveriks" esa 4-o'rinda.

Parallel o'yinlarda "Filadelfiya" o'z maydonida "Miluoki Baks"ga mag'lub bo'ldi (116:118). "Bruklin" esa Kevin Dyurantning dabl-dabl evaziga "Detroyt"ni 130-123 hisobida mag'lub etdi.

Havola :

Manba : championat.com

Reyting: