NBA pley-offiga chiqqan 12 jamoaning nomi malum bo'ldi

SHarqiy konferenciyada «Mayami Xit», «Miluoki Baks», «Boston Seltiks», «Filadelfiya Siksers», «Toronto Reptors» va «CHikago Bullz» jamoalari pley-off bosqichiga yo'l oldi.

Pley-offga chiqish uchun yana sakkiz jamoa kurash olib bormoqda. Unga ko'ra, SHarqiy konferenciyada «Bruklin Nets» «Klivlend Kavalers»ga, «Atlanta Xouks» esa «SHarlott Xornets»ga qarshi parketga chiqadi. 

G'arbiy konferenciyadan pley-offga quyidagi jamoalar yo'l olishdi: «Finiks Sanz», «Memfis Grizzliz», «Golden Steyt Uorriorz», «Dallas Maveriks», «Yuta Djaz» va «Denver Naggets».

G'arbiy konferenciyada pley-offga chiqish uchun «Minnesota Timbervulvz» «Los-Anjeles Klippers» bilan, «Nyu Orlean Pelikans» esa «San-Antonio Spyors» bilan kurash olib boradi. Ushbu o'yinlar 12-15 aprel kunlari bo'lib o'tadi.

Eslatib o'tamiz, turnirning amaldagi g'olibi «Miluoki Baks» jamoasi bo'lib, o'tgan mavsum final seriyasida «Finiks Sanz»ni 4:2 hisobida mag'lub etgandi.