Neyt Dias va Xorxe Masvidal tarozidan o'tib oldi

Boks qoidalari asosidagi 10 raundlik jang bugun (bizning vaqt bilan ertaga tong saharda) Kaliforniyada bo'lib o'tadi. 39 yoshli Dias tarozida — 79,65 kg, uning tengdoshi Masvidal esa — 79,47 kg vazn qayd etdi.

O'rta vazn toifasida sobiq jahon chempioni Deniel Jeykobs ham ushbu boks oqshomida ringga ko'tariladi. Katta tanaffusdan so'ng ringga qaytayotgan Jeykobs ikkinchi o'rta vazn meyoridan sal ko'proq tosh bosdi — 76,75 kg. Uning raqibi kichik SHeyn Mozli esa 76,02 kg vazn ko'rsatdi. 

Ushbu boks oqshomini amerikalik 18 yoshli iqtidor egasi Kermel Mouton (60,55 kg) hamda AQSHda istiqomat qiluvchi rossiyalik 36 yoshli Nikolay Buzolin (62,46 kg) o'rtasidagi jang ochib beradi.