Nigora Abdullaeva – yoshlar o'rtasida Jahon kubogi g'olibi

Qizlar o'rtasida 55 kg vazn toifasida o'tkazilgan bellashuvlarda ishtirok etgan Nigora Abdullaeva dast ko'tarish mashqida asosiy taqibchisidan 6 kg ga o'zib ketdi – 84 kg. Oltin medal. 2-o'rinni filippinlik Rozegi Ramos (78 kg) egallagan bo'lsa, uch urinishdan faqat bittasini bajara olgan polshalik Malgarzota Miyakning (75 kg) natijasi bronza medali uchun kifoya qildi.

Siltab ko'tarish mashqida supachaga chiqqan Nigora bu safar 104 kg toshni o'ziga bo'ysindira oldi. Ikkinchi oltin. Musobaqa mezboni vakili Viktoriya Buirton undan 5 kg kam tosh buyurtma berib, 99 kg bilan kumush medalga sazovor bo'ldi. Rozegi Ramos esa 98 kg lik natija ko'rsatib, bu safar 3-pog'onada qoldi.

SHubhasiz, ikkikurash yakuniga ko'ra ham vakilamiz shohsupaning eng yuqori pog'onasiga ko'tarildi. Nigora Abdullaevaning natijasi ancha sezilarli farq bilan oldinda edi – 188 kg. Kumush medal Rozegi Ramosga (176 kg), bronza esa Viktoriya Buirtonga (172 kg) nasib etdi.

Eslatib o'tamiz, kecha hamyurtimiz Husenboy Matrasulov ham 55 kg gacha bo'lgan vazn toifasida ishtirok etib, dast ko'tarish mashqida faxrli 1-o'rinni egallagan edi.