Nigora Suvonova – Jahon kubogi sovrindori!

Unda O'zbekiston terma jamoasi azolari ham munosib ishtirok etishmoqda. 71 kg vazn toifasida supachaga chiqqan qizlar bahsida Nigora Suvonova kumush medaliga sazovor bo'ldi. Etiborlisi, 15 yoshli vakilamizning asosiy raqiblari o'zidan ikki yosh katta qizlar edi.

Dastlab dast ko'tarish mashqida o'zini sinab ko'rgan hamyurtimiz ikki urinishni o'ziga bo'ysindirdi va 91 kg natija ko'rsatib, asosiy raqibi filippinlik 17 yoshli Vanessa Sarnoga 2 kg (93 kg)ga imkoniyatni boy berdi. 3-o'rin 90 kg toshni dast ko'targan Okeaniya mintaqasi vakili, naurulik Nensi Aboukuga nasib etdi.

Siltab ko'tarish mashqida ham ayni ushbu uch atlet g'oliblik uchun kurash olib bordi. Vanessa barcha harakatlarini muvaffaqiyatli bajarib, 118 kg bilan g'olib chiqdi. Ikkinchi o'rin vakilamizga nasib etdi. U 119 kg lik uchinchi urinishni amalga oshira olmadi, 117 kg bilan kifoyalandi. Bronza medali 110 kg li urinishini muvaffaqiyatli yakunlagan naurulik qizga nasib etdi.

SHunday qilib ikki kurash yakuniga ko'ra, filippinlik Vanessa Sarno 211 kg (93+118) bilan oltin, hamyurtimiz Nigora Suvonova 208 kg (91+117) bilan kumush, naurulik Nensi Abouku 200 kg (90+110) bilan bronza medaliga sazovor bo'ldi.

Eslatib o'tamiz, bundan avval 55 kg gacha bo'lgan vazn toifasida supachaga ko'tarilgan Husenboy Matrasulov dast ko'tarish mashqida faxrli 1-o'rinni, shu vaznda Nigora Abdullaeva ikki kurash mashqi yakuni bo'yicha oltin medalni qo'lga kiritgan edi.