Nihoyat! Madrimov promouterlik kompaniyasi bilan shartnoma imzoladi

Havaskor boksda o'z saltosi bilan mashhur bo'lgan Madrimov Amerika zaminida mashg'ulotlarni o'tkazmoqda. U ijtimoiy tarmoqdagi sahifasida murabbiy To'lqin Qilichev bilan birga AQSH ringlarini ham zabt etmoqchimiz, deya izoh qoldirgandi. 

Nihoyat, u biz taxmin qilgan Rossiyaning “Mir Boksa” promouterlik kompaniyasi bilan shartnoma imzoladi. Bu kompaniyaga Andrey Ryabinskiy rahbarlik qiladi. Aleksandr Povetkin ham ushbu kompaniya mijozi hisoblanadi. 

“Faoliyatimdagi muhim qadamlardan birini tashladim. Endi men professional bokschiman. Buni rasman elon qilayotganimdan xursandman. Qisqa fursat ichida bir nechta takliflar oldim va yakunda Rossiyaning “Mir Boksa” promouterlik kompaniyasi bilan shartnoma imzoladim. Menga bildirilgan ishonch uchun kompaniya rahbari Andrey Mixaylovich Ryabinskiy hamda menejerim Vadim Kornilovga, barcha g'alabalarim ortida turgan murabbiyim To'lqin Qilichevga alohida minnatdorchilik bildiraman. Nasib qilsa, “Mir Boksa” bilan birgalikda professional boksdagi eng yuqori cho'qqilarni zabt etamiz”, - dedi Madrimov.