"Nima bo'ldi?": Kechagi tarozi marosimida hushini yo'qotgan UFC jangchisi bayonot berdi

"Menga juda ko'p sms xabarlar keldi va men haqimda samimiy qayg'urganlari uchun barchadan minnatdorman. Nima bo'ldi? Menda hammasi joyida. Men yaxshiman. Aynan nima sodir bo'lganiga ishonchim komil emas. Internetda ko'pchilik "O, bu qattiq vazn poygasi edi" va shunga o'xshash narsalarni yozayotganini ko'raman. Lekin aslida men bu jangga ko'pchilik o'ylaganchalik ko'p vazn haydamadim. Tarozi marosimiga juda engil bordim. Hatto shu haftada ham deyarli vazn tashlamadim. Nima bo'lganini tushunmayapman va yaqin haftalarda sabablarni aniqlash uchun qo'shimcha tekshiruvlardan o'tishim kerak. Nima bo'lganini bilmayman. Ammo yaxshi manoda bezovta qilganingiz uchun hammaga rahmat - men yaxshiman va umid qilamanki, tez orada qaytaman. Raqibimdan uzr so'rayman" - dedi Kemeron.

Eslatib o'tamiz, tarozidan tushib, bir necha qadam tashlagan Smozermen hushsiz holatda yiqilganidan so'ng, uning Riki Tursios bilan jangi bekor qilingandi. Vaholanki. ikkala jangchi ham vazn meyorini muvaffaqiyatli bajarishgandi. Tashkilot vakillari allaqachon Tursios jang uchun shartnomada ko'rsatilgan gonorarni olishini malum qilishgan.