Norinda bel olish va uch kurash bo'yicha O'zbekiston kubogi o'tkazildi

O'zbekiston Respublikasi Turizm va sport vazirligi hamda O'zbekiston Bel olish va uch kurash associaciyasining yillik-taqvim rejasidagi mazkur mamlakat kubogi bahslarida Qoraqalpog'iston Respublikasi, Toshkent shahri va barcha viloyatlardan 800 nafardan ortiq yosh polvonlar g'oliblik uchun kurash tushishdi.

Musobaqa reglamentiga muvofiq, dastlab sportchilar bel olishning xalqa-chalish, chalish hamda uch kurashning yaktakli yo'nalishlarida belgilangan vazn toiflariga ko'ra kuch sinashishdi. SHuningdek, bel olish kurashining chalish hamda uch kurashning yaktaksiz yo'nalishlari bo'yicha ilk bor jamoaviy bellashuvlar ham o'tkazildi.

Bel olishning chalish yo'nalishidagi jamoaviy bahslarda birinchi o'rinni Namangan sportchilari, ikkinchi o'rinni Sirdaryo jamoasi va ikkita uchinchi o'rinni Andijon hamda Farg'ona jamoalari qo'lga kiritishdi. Uch kurashning yaktaksiz yo'nalishi bo'yicha jamoaviy bellashuvlarida esa Andijon viloyati jamoasi faxrli birinchi o'rinni egalladi. Final bosqichda andijonlik polvonlar Farg'ona jamoasini 8:7 hisobi bilan mag'lubiyatga uchratishdi. Ikkita uchinchi o'rin Xorazm va norinlik (Namangan) sportchilar jamoasiga nasib etdi.    

Murosasiz o'tgan O'zbekiston kubogida dastlab bel olish kurashining yo'nalishlari bo'yicha kuchlilar aniqlangan bo'lsa, musobaqasining ikkinchi bosqichda uch kurashning yo'nalishlari bo'yicha ham yakkalik bellashuvlari o'tkazildi. Quyida uch kurash bo'yicha yakkalikda birinchi o'rinlarni band etgan sportchilar bilan tanishishingiz mumkin.

Uch kurashning xalqa yo'nalishi

O'g'il bolalar 

32 kg. – Muhammadrizo Mamtaliev (Andijon)

38 kg. – Muhammadali Abdusalomov (Andijon)

44 kg. – Ozodbek Ahmadjonov (Andijon)

50 kg. – Sulton Turg'unov (Andijon)

58 kg. – Rahmatillo Eminov (Andijon)

66 kg. – Mahkambek Soliev (Andijon)

+70 kg. – Sarvar G'aniev (Andijon)

Uch kurashning yaktaksiz yo'nalishi

O'g'il bolalar

30 kg. – Muhammadaziz To'xtasinov (Andijon)

35 kg. – Abubakir Arslonov (Andijon)

41 kg. – Islombek Olimjonov (Andijon)

47 kg. – Izatillo CHumayov (Andijon)

54 kg. – Biloliddin Ro'zaliev (Andijon)

62 kg. – Abdulloh Niyazov (Andijon)

70 kg. – Ismoiljon Xamidullaev (Andijon)

Mutloq vazn – Dadaxon Davronbekov (Andijon)

Qizlar

32 kg. - Fotima Ikromalieva (Namangan)

38 kg. – SHodiya Mashrapova (Andijon)

42 kg. – Marjona Mahmudqulova (Sirdaryo)

46 kg. – Muxayyo Abduvalieva (Namangan)

+ 46 kg. – Surayyo Jo'raqulova (Buxoro)

Musobaqa yakuniga etgach, g'olib va sovrindorlar diplom, medal va esdalik sovg'alari bilan taqdirlanishdi.