Norinda bel olish va uch kurash bo'yicha O'zbekiston kubogi o'tkazilmoqda

O'zbekiston Respublikasi Turizm va sport vazirligi hamda O'zbekiston Bel olish va uch kurash associaciyasining yillik-taqvim rejasidagi mazkur mamlakat kubogi bahslarida Qoraqalpog'iston Respublikasi, Toshkent shahri va barcha viloyatlardan 600 nafarga yaqin yosh polvonlar g'oliblik uchun bellashishmoqda.

Musobaqa doirasida tantanali ochilish marosimi ham tashkil etildi. Unda ishtirok etgan O'zbekiston Bel olish va uch kurash associaciyasi bosh kotibi Nosir Azizov musobaqa qatnashchilariga omad tiladi.

Musobaqa reglamentiga muvofiq, dastlab sportchilar bel olishning xalqa-chalish, chalish hamda Uch kurashning yaktakli yo'nalishlarida belgilangan vazn toiflariga ko'ra kuch sinashishyapti.

SHuningdek, bel olish kurashining chalish yo'nalishi bo'yicha ilk bor jamoaviy bellashuvlar ham o'tkazildi. Jami 15 ta vazn bo'yicha jamoviy bellashuvlarda ko'pchilik katta ehtimol bilan sirdaryolik polvonlarning g'olib bo'lishini kutishayotgan edi. Lekin Sirdaryo jamoasi finalda Namangan jamoasiga 7:8 hisobi bilan mag'lubiyatga uchradi.

SHunday qilib jamoaviy musobaqada birinchi o'rinni Namangan sportchilari, ikkinchi o'rinni Sirdaryo jamoasi va ikkita uchinchi o'rinlarni Andijon va Farg'ona jamoalari qo'lga kiritishdi.  

Murosasiz va shiddatli jarayonlarga boy tarzda o'tayotgan O'zbekiston kubogi musobaqasining yakkalik bahslarida o'z vazn toifalarida raqiblarini engib, birinchi o'rinlarni egallagan yosh polvonlar bilan tanishamiz.

Bel olishning chalish yo'nalishi

O'g'il bolalar 

30 kg. – Doniyor SHoimqulov (Sirdaryo)

38 kg. – Xurshidbek Ergashaliev (Namangan)

47 kg. – Murodjon Azamqulov (Sirdaryo)

58 kg. – Og'abek Mirzaaxmedov (Sirdaryo)

70 kg. – Normuhammad Baxtiyorov (Farg'ona)

Qizlar

32 kg. – Fotima Ikromalieva (Namangan)

38 kg. – Dildora Muhammadalieva (Farg'ona)

42 kg. – Mashhura Odilova (Andijon)

46 kg. – Muxlisa Qosimova (Andijon)

+46 kg. – Durdona Mamurjonova (Sirdaryo)

Bel olishning xalqa chalish yo'nalishi

35 kg. – Behruzbek Hayitov (Farg'ona)

44 kg. – Normuhammad O'rinboev (Farg'ona)

54 kg. – Rustam Karimov (Sirdaryo)

66 kg. – Asadbek Ravshanbekov (Andijon)

Mutloq vazn. – Azamjon Bakirov (Namangan)

Uch kurashning yaktakli yo'nalishi

O'g'il bolalar

32 kg. – Behruz Asanov (Jizzax)

41 kg. – Haitbek Obidjonov (Andijon)

50 kg. – Ibrohimjon Umaraliev (Andijon)

62 kg. – Samandar SHaripov (Namangan)

+70 kg. – Eldor Davronov (Jizzax)

Qizlar

32 kg. – Farangizxon Fozilova (Farg'ona)

38 kg. – Mubina Oribjonova (Andijon)

42 kg. – Mehribonu Nematova (Sirdaryo)

46 kg. – CHaros Abduholiqova (Surxondaryo)

+46 kg. – Madinabonu Boboxo'jaeva (Toshkent sh.)

G'olib va sovrindorlar  diplom, medal va esdalik sovg'alari bilan mukofotlanishdi. Musobaqa dasturiga ko'ra, ayni paytda Uch kurash bo'yicha bellashuvlar bo'lib o'tmoqda. Kubok bellashuvlari 30 iyunga qadar davom etadi. 

Ilhom RAHMONOV tayyorladi