Notinch vaziyat sabab kurash bo'yicha jahon chempionati Eronda o'tkazilmaydi

Ushbu dunyo birinchiligi 31 yanvar — 5 fevral kunlari Eron Islom Respublikasining Bojnord shahrida o'tkazilishi belgilangan edi. Mazkur nufuzli musobaqaga tayyorgarlik ishlari yuqori suratda olib borilayotgani haqida avval xabar qilingandi.

Ammo 28 dekabr sanasidan etiboran Eron Islom Respublikasi hududida iqtisodiy muammolar bilan bog'liq aholi norozilik namoyishlari kuzatilmoqda. Vujudga kelgan vaziyat munosabati bilan Xalqaro Kurash associaciyasi ushbu holatni doimiy ravishda diqqat markazida ushlab, Eron Islom Respublikasi Yoshlar va sport vazirligi hamda Eron Kurash federaciyasi bilan uzviy va muntazam aloqada bo'lib kelmoqda.

SHu munosabat bilan, bugun IKA Prezidenti raisligida Kurash bo'yicha XV Jahon chempionati masalasiga bag'ishlangan Xalqaro Kurash associaciyasi Boshqaruv qo'mitasining shoshilinch yig'ilishi o'tkazilishi belgilandi. Yig'ilishda Boshqaruv qo'mitasi azolari, shuningdek, tegishli hamkor tashkilotlar vakillarining ishtiroki ko'zda tutilgan. 

Yig'ilish yakunlari bo'yicha qabul qilinadigan qarorlar jamoatchilikka tezkor tarzda taqdim etiladi. Katta ehtimol bilan kattalar o'rtasidagi jahon chempionati manzili o'zgarishi mumkin. Mezbonlik uchun asosiy davogar O'zbekiston! Katta ehtimol bilan jahon chempionati Ramazon oyidan keyin o'tkaziladi. Aslida ushbu musobaqa o'tgan yili Turkiyada o'tkazilishi kerak edi. Lekin tayyorgarlik darajasi etarli bo'lmagani uchun IKA Boshqaruv qo'mitasi oktyabr oyida Turkiyadan mezbonlik olib qo'yilgan va Eronga berilgandi.