Nukusda belbog'li kurash bo'yicha o'zbekiston chempionati bellashuvlari o'tkazilmoqda

Bugun, 11 dekabr kuni  Qoraqalpog'iston Respublikasining Nukus shahridagi  2 – sonli bolalar -o'smirlar sport maktabida  belbog'li kurash bo'yicha 2008-2009 yillarda tug'ilgan o'g'il bolalar va qizlar  o'rtasida O'zbekiston chempionati  bellashuvlariga start berildi.

O'zbekiston Respublikasi Turizm va sport vazirligi hamda O'zbekiston belbog'li kurash federaciyasining yillik-taqvim rejasidagi mazkur chempionat bahslarida  Qoraqalpog'iston Respublikasi, Toshkent shahri va barcha viloyatlardan  300 nafardan ortiq   yosh polvonlar ishtirok etishmoqda. Ushbu chempionatda o'g'il bolalar belbog'li kurash va erkin yo'nalishlarida 11 ta vazn toifasida o'zaro kuch sinashishayotgan bo'lishsa, qizlar erkin yo'nalishda 7 ta vaznda g'oliblik uchun kurash olib borishadi. SHuningdek, musobaqaning tantanali ochilish marosimi  ham o'tkazildi. CHempionat reglamentiga ko'ra musobaqaning birinchi kunida  o'g'il bolalar belbog'li kurash yo'nalishida 27, 30, 33, 36, 40, 44, 48, 52, 55, 60, + 60 kg. vazn toifalarida, qizlar esa erkin yo'nalishida 33, 36, 40, 44, 48, 52, +52 kg. vazn toifalarida g'oliblik uchun kurash tushishmoqda.

O'zbekiston chempionati bellashuvlari  13 dekabrga qadar davom etadi.   

Ilhom RAHMONOV tayyorladi