Nukusda belbog'li kurash bo'yicha O'zbekiston chempionati start oldi

O'zbekiston Respublikasi Yoshlar siyosati va sport vazirligi hamda O'zbekiston belbog'li kurash federaciyasining yillik taqvim-rejasidagi mazkur musobaqada Qoraqalpog'iston Respublikasi, Toshkent shahri va barcha viloyatlardan 300 nafarga yaqin yosh polvonlar belbog'li kurashning belbog'li va erkin yo'nalishlarida g'oliblik yo'lida bellashishmoqda.

Bugun musobaqaning tantanali ochilish marosimi ham o'tkazildi. Tadbirda ishtirok etgan Qoraqalpog'iston Respublikasi Yoshlar siyosati va sport vaziri Adilbek Allanazarov, O'zbekiston belbog'li kurash federaciyasi bosh kotibi Abdixalil Malikov  mamlakatimizda jismoniy tarbiya va sportga, xususan, milliy sport turlarimizga bo'lgan etibor tufayli polvonlarimiz xalqaro miqyosdagi chempionatlarda etakchilik qilayotganini takidlab, barcha musobaqa ishtirokchilariga omad tilashdi.

O'zbekiston chempionati reglamentiga ko'ra, bugun o'g'il bolalar belbog'li kurash yo'nalishi bo'yicha g'oliblar aniqlanadi. Musobaqa 24 noyabrga qadar davom etadi.

Ilhom RAHMONOV tayyorladi