Nukusda belbog'li kurash bo'yicha O'zbekiston Kubogi g'oliblari aniqlandi

O'zbekiston Respublikasi sport vazirligi hamda O'zbekiston belbog'li kurash federaciyasining yillik taqvim-rejasidagi mazkur O'zbekiston kubogi bahslarida Qoraqalpog'iston Respublikasi, Toshkent shahri va barcha viloyatlardan 300 nafarga yaqin yoshlar o'zaro kuch sinashishdi. 

Reglamentga muvofiq, bellashuvlarning birinchi kunida tantanali ochilish marosimi tashkil etildi. Unda Osiyo belbog'li kurash konfedraciyasi prezidenti Mo'min Muratov, O'zbekiston belbog'li kurash federaciyasi raisi Ravshan Dastirov, Qoraqalpog'iston Respublikasi sport vaziri Adilbek Allanazarov, federaciya bosh kotibi Abduxalil Malikov va boshqalar ishtirok etib, sportchilarga omad tilashdi.

Ikki kun davom etgan murosasiz bellashuvlarda o'g'il bolalar belbog'li kurashning klassik va erkin yo'nalishlarida 10 ta vazn toifasida kuch sinashishgan bo'lsa, qizlar belbog'li kurashning erkin yo'nalishida 8 ta vazn toifasiga ko'ra bellashishdi.

Musobaqada qizlardan Gulsanam Solieva (Farg'ona), SHaxlo Kalmuratova (Qoraqalpog'iston), Diyoraxon O'razova (Andijon), Muxlisa Rustamova (Namangan), Dilnura Norboeva (Qashqadaryo) singari sportchilar o'z vazn toifalarida oltin medalni qo'lga kiritishdi. 

O'g'il bolalar o'rtasidagi musobaqalarda esa Firdavs Haqnazarov (Toshkent v.), Diyorbek Narziev (Buxoro), Ozodbek Salimov (Farg'ona) kabi polvonlar raqiblariga nisbatan ustunlikka erishib, oltin medal sohiblariga aylanishdi.

G'olib va sovrindorlar diplom, medal va esdalik sovg'alari bilan mukofotlanishdi. SHuningdek, kubok bahslari doira Osiyo belbog'li kurash konfedraciyasi prezidenti Mo'min Muratov va O'zbekiston belbog'li kurash konfedraciyasi raisi Ravshan Dastirov Qoraqalpog'iston Respublikasi Jo'qorg'i Kengesining Raisi Amanbay Orinbaev bilan uchrashib, 2025 yil may oyida belbog'li kurash bo'yicha jahon va Osiyo chempionatini Qoraqalpog'istonda o'tkazishga kelishib olindi.

Ilhom RAHMONOV tayyorladi