16 iyu 13:28
Yangiliklar

Boks/MMA

Nurmagomedov va Makgregor JCH-2018 finaliga tashrif buyurdi

Aralash qoidalar bo'yicha ikki vazn toifasida sobiq UFC chempioni Konor Makgregor Moskvaga tashrif buyurdi va mundial finalini bevosita “Lujniki” stadionida tomoasha qildi.

Uchrashuv yakunlangach u Rossiya Federaciyasi Prezidenti Vladimir Putin bilan suratga tushdi.

“Meni Rossiya Prezidenti Vladimir Putinning faxriy mehmoni sifatida finalga taklif qilishdi, - dedi Konor Instagram sahifasida. - Vladimir Vladimirovich zamonamizning eng kuchli va buyuk insonlaridan biri. To'rt yillikning eng nufuzli musobaqasi finalini u bilan birga tomosha qilish baxti nasib etganidan xursandman.

Ushbu final o'yiniga engil vaznda UFC chempioni rossiyalik Xabib Nurmagomedov ham tashrif buyurdi. Yil so'nggida Konor va Xabib oktagonda to'qnash kelishadi. “Bolalikdagi orzuim amalga oshdi. Men Jahon chempionati finalini stadionda tomosha qilishni orzu qilardim”, - deya o'zining Instagram sahifasida xabar qoldirgan Xabib.