22 okt 10:51
Yangiliklar

Boks/MMA

Nurmagomedovning UFC 308 turniridagi raqibi safdan chiqdi, Saidyoqub Qahramonov UFC'dan revansh so'radi

Rossiyalik aralash yakkakurash ustasi Said Nurmagomedovning UFC 308 turniridagi braziliyalik raqibi Daniel Santos jarohat oldi va turnir kardidan echildi.

Ayni paytda UFC Said Nurmagomedov uchun yangi raqib izlamoqda. Ahamiyatlisi, o'zbekistonlik sobiq UFC jangchisi Saidyoqub Qahramonov Nurmagomedovni revanshga chorladi.

"Revansh jangimni hamma bilishini xohlayman. Uning bo'g'ish usuli orqali omadi kelgandi", deya UFC matchmeykeri SHon SHelbiga murojaat qilgan Saidyoqub.

Eslatib o'tamiz, ikki Saidning jangi 2022 yil dekabr oyida bo'lib o'tgan va o'shanda Said Nurmagomedov bo'g'ish usuli orqali g'alaba qozongandi.