Nurotada O'zbekiston kubogiga start berildi FOTOGALEREYA

Dastlab, musobaqaning tantanali ochilish marosimi tashkil etildi. Unda so'z olgan O'zbekiston milliy belbog'li kurash federaciyasi raisi Ravshan Dastirov, Nurota tuman hokimi o'rinbosari SHuhrat Vafoev, Navoiy viloyat jismoniy tarbiya va sport boshqarmasi rahbariyati va boshqalar bugun mamlakatimizda jismoniy tarbiya va sportga, xususan, bolalar sportiga qaratilayotgan yuksak etibor natijasida yoshlarimizning xalqaro sport maydonlarida muvaffaqiyatlarga erishayotgani haqida takidlab, musobaqada ishtirok etayotgan polvonlarga omad tilashdi. 

Sportchilarning ko'rgazmali chiqishlari, badiiy jamoalar tomonidan tayyorlangan kuy-qo'shiqlar marosimga yig'ilganlar ko'ngliga xushnudlik bag'ishladi.

SHundan so'ng, Qoraqalpog'iston Respublikasi, Toshkent shahri hamda barcha viloyatlardan kelgan 300 nafardan ziyod polvonlar ishtirokidagi bellashuvlarga start berildi. Musobaqa 16 mart kuniga  qadar etadi.

Javlon MIRJUMAEV, Guliston ixtisoslashtirilgan olimpiya zaxiralari maktab-internatining belbog'li kurash bo'yicha bosh murabbiyi: 

- Belbog'li kurash bo'yicha joriy yilgi ilk mamlakat birinchiligi bellashuvlariga yuqori darajada tayyorgarlik ko'rilgan. Barcha hududlardan kelan yosh polvonlarning g'oliblik uchun bor istedodini namoyon etayotgani, iqtidorli sportchi-bolalar ko'pchilikni tashkil etayotganligi quvonarli hol. Albatta, biz ham eng sara shogirdlarimiz bilan ishtirok etyapmiz. Hozircha, natijalarimiz yaxshi. Bugungi bellashuvlardan bir nechta sovrinli naktijalarni ko'zlab turibmiz. Albatta, jamoamizni musobaqaga etarlicha tayyorgarlik ko'rishida Guliston ixtisoslashtirilgan olimpiya zaxiralari maktab-internatida yaratilgan qulay va zamonaviy shart-sharoitlar, maktab-internati rahbariyatining ushbu milliy sport turiga bo'lgan etibori va murabbiylarimizning jon kuyarligida deb bilaman.    

Ilhom RAHMONOV tayyorladi