Odil Ahmedov: “Otamning maslahati bilan “Al SHabab”ning 5 million evrolik taklifidan voz kechganman”

"2011 yilgi Osiyo Kubogidan so'ng 3-4 ta jiddiy takliflar bo'ldi. Ularning aksariyati Saudiya Arabistonidan edi. Oxirgi muzokaralarda shaxsan "Al SHabab” egasi bilan bo'ldi. Bir necha muzokaralardan so'ng ular menga yiliga besh million evro berishga rozi bo'lishdi. Biroq o'shanda rahmatli dadam meni Saudiyada o'ynashga hali ulgurishimga ishontirdi”,-deb fikr bildirgan Ahmedov.

Eslatib o'tamiz, o'sha Osiyo kubogida terma jamoamiz tarixda ilk bor yarim finalga qadar etib borgandi. Turnir davomida esa Odil Ahmedov 2 ta gol urishga erishgandi.