Og'ir atletika bo'yicha ilk xalqaro onlayn musobaqa o'z yakuniga etdi

Bugun tongda o'z nihoyasiga etgan Og'ir atletika bo'yicha tashkil qilingan karantin davridagi ilk xalqaro onlayn musobaqada o'zbekistonlik atletlar ham munosib ishtirok etishdi.

Malumot uchun, musobaqa Xalqaro og'ir atletika federaciyasining olimpiya standartida og'ir atletika sport jihozlarini ishlab chiqaruvchi ZKC tashkiloti hamda Amerika qitasi og'ir atletika federaciyasi bilan hamkorlikda  tashkil etildi

Quvonarlisi, unda qatnashgan vakillarimiz Sarvar Zafarjonov (-89 kg), Farhod Sobirov (-102 kg) va Akbar Jo'raev (-109 kg) o'z vazn toifalarida birinchi o'rinni qo'lga kiritdilar. Vakillarimiz qayd etgan natijalar bilan tanishing:

-89 kg: Sarvar Zafarjonov – 357 kg (162 kg + 195 kg)
-102 kg: Farhod Sobirov – 355 kg (165 kg + 190 kg)
-109 kg: Akbar Jo'raev – 410 kg (190 kg + 220 kg)

SHu tariqa musobaqada qatnashgan barcha atletlarimiz sovrinli o'rinlarni egallashdi. Terma jamoamiz azolarining 4 nafari o'z vazn toifalarida eng yaxshi natijani qayd etgan bo'lsa, 2 polvonimiz ikkinchi, yana bir vakilimiz uchinchi o'rinni egalladi. Batafsil:

1-o'rin:
Tursunoy Jabborova (-81 kg)
Sarvar Zafarjonov (-89 kg)
Farhod Sobirov (-102 kg)
Akbar Jo'raev (-109 kg)

2-o'rin:
Nigora Abdullaeva (-55 kg)
Adhamjon Ergashev (-73 kg)

3-o'rin:
Kumushxon Fayzullaeva (-71 kg)