Og'ir atletika bo'yicha jahon chempionatini 5 ta medal bilan yakunladik

Musobaqaning so'nggi kuni +109 kg vazn toifasidagi polvonlar supaga chiqishdi. Unda Akbar Jo'raev yurtimiz sharafini himoya qilishi kerak edi. Biroq Jo'raev so'nggi tayyorgarlik jarayonida kichik jarohat olgani bois murabbiylar shtabi tavakkal qilib uni supaga chiqishini istashmadi. Afsuski, Olimpiada chempioni bu dunyo birinchiligini medalsiz yakunladi.

O'zbekiston terma jamoasining musobaqadagi ishtirokiga to'xtaladigan bo'lsa, hamyurtlarimiz chempionatda 3 ta oltin, 1 tadan kumush hamda bronza, jami 5 ta medalga sazovor bo'lishdi. Bu bilan medallar jamg'arish bo'yicha terma jamoamiz oltinchi natijani qayd etdi. Erkaklar o'rtasida esa 3 ta oltin medal bilan to'rtinchi pog'onaga ko'tarildik.

SHubhasiz, Ruslan Nurudinov biz uchun musobaqa qahramoniga aylandi. -109 kg vazn toifasida ishtirok etgan Nurudinov ikki karra jahon chempioniga aylanib, mazkur vaznda o'zbekistonlik atletlar jahonda hamon tengsiz ekanini ko'rsatdi. 

SHuningdek, Tursunoy Jabborova -87 kg vazn toifasida dast ko'tarish mashqida kumush, ikki kurashda esa bronza medalini qo'lga kiritdi. Qolgan atletlarimiz garchi sovrinli o'rinlarni egallashmagan bo'lsalar ham, Parij-2024 Olimpiadasi yo'lida qimmatli reyting ochkolariga egalik qilishdi.