Og'ir atletika bo'yicha O'zbekiston Kubogi ochilish marosimi bo'lib o'tdi

Erkaklar -55 kgdan 109+ kg vaznlilar hamda ayollar o'rtasida -45 kgdan 87+ kg vazn toifasigacha sportchilar medallar uchun kurash olib borishadi. 

Musobaqa ochilish marosimida O'zbekiston respublikasi kasaba uyushmalari vakili Bahodir Tadjiev, O'zbekiston og'ir atletika federaciyasi vice-prezidenti SHaxrillo Mahmudov, og'ir atletika faxriylari va ko'plab mehmonlar ishtirok etishdi. 

O'zbekiston respublikasi kasaba uyushmalari vakili Tadjiev Bahodir Muhitdinovich so'zga chiqib, yurtimizda og'ir atletika sporti rivoji uchun qilinayotgan ishlar, erishilayotgan yutuqlar va bundan keyin amalga oshirilishi zarur bo'lgan ishlar haqida fikr bildirdi.

SHuningdek, O'zbekiston og'ir atletika federaciyasi vice-prezidenti, "O'zbekiston Respublikasida xizmat ko'rsatgan sport ustozi" faxriy unvoni sohibi Maxmudov SHaxrillo SHaripovich so'zga chiqdi. 

"Bugun mana Tokio Olimpiadasidan keyingi dastlabki musobaqada ko'rishib turibmiz. Yangi cikl boshlanmoqda. Ortda qolgan Olimpiadada yurtimiz sharafini 4 nafar og'ir atletikachi himoya qilgan bo'lsa, ularning uch nafari kasaba uyushmalari azosi hisoblanardi. SHu sababli, fursatdan foydalanib, uyushma azolariga hamkorlik uchun minnatdorchilik bildirmoqchiman. Akbar Jo'raevning g'alabasi nafaqat sportchi, O'zbekiston og'ir atletika terma jamoasi, balki barchamizniki. 

Umid qilib qolamiz, bugun mamlakat kubogida supachaga ko'tarilayotgan yosh sportchilarimiz ichidan ham Parijda bo'ladigan kelgusi Olimpiada g'olib va sovrindorlari chiqadi. Rioda oltin medalni qo'lga kiritdik, Tokioda ham oltinga ega chiqdik. SHuning uchun, Parijda kumush olsak ham natijamizdan qanoatlanishmaydi. Ammo Olimpiadada har qanday medal shunchaki qo'lga kiritilmasligini ham takidlab o'tmoqchiman. Bir nafar sportchi bu darajaga ko'tarilguncha, qanchadan-qancha inson mehnat qiladi.

Barchangizni ko'rib turganimdan yana bir bor xursandman. O'ylaymanki, Kubok bahslari murosasiz kurashlar ostida o'tadi va ko'plab quvonarli lahzalarga sabab bo'ladi", - dedi SHaxrillo Maxmudov.  

SHuningdek, tadbir davomida Tokio olimpiadasi chempioni Akbar Jo'raev, O'zbekiston terma jamoasi murabbiylari Bahrom Mendiboev va Erjas Boltaev hamda sportchining birinchi murabbiyi Farxod Mirzajonovga milliy zar to'nlarimiz kiydirildi.  

Tadbir so'ngida mamlakat madhiyasi yangradi va musobaqa rasman ochiq deb elon qilindi. 

Eslatib o'tamiz, og'ir atletika bo'yicha O'zbekiston kubogi bahslari CHirchiq shahrida bo'lib o'tadi va 20 sentyabrga qadar davom etadi. 

O'zbekiston og'ir atletika federaciyasi matbuot xizmati