Og'ir atletika bo'yicha O'zbekiston terma jamoasi VI Islom birdamligi o'yinlarini 20 ta medal bilan yakunladi

Yakuniy natijalarga ko'ra, vakillarimiz 6 ta oltin, 9 ta kumush va 5 ta bronza medalni qo'lga kiritib, jami 20 ta medal bilan yurtimiz sharafini munosib himoya qilishdi. 

Musobaqada ishtirok etgan 10 nafar sportchimizdan 8 nafari sovrindorlar qatoridan joy oldi, qolgan 2 nafar yosh sportchimiz esa bahslarni kuchli beshlikda yakunladi.

Etiborga molik jihatlardan yana biri shundaki, musobaqada qatnashgan yigitlarimizning barchasi 100 foizlik natija ko'rsatdi — yani ishtirok etgan 5 nafar polvonning har biri shohsupaga ko'tarildi. 

• Adhamjon Ergashev ikki yillik tanaffusdan so'ng xalqaro maydonga qaytib, o'z kuchini namoyon etdi va delegaciyamiz hisobiga oltin, kumush hamda bronza medallarini sovg'a qildi.

• Nigora Abdullaeva ilk bor ishtirok etgan Islom birdamlik o'yinlarida birdaniga 3 ta kumush medalni qo'lga kiritdi.

• Yosh sportchimiz Diyorbek Ro'zmetov ham delegaciyamiz g'aznasini kumush medal bilan boyitdi.

• Tajribali polvonimiz Sarvarbek Zafarjonov o'z mahoratini yana bir bor isbotlab, 2 ta oltin va 1 ta kumush medal sohibiga aylandi. SHu tariqa, Sarvarbekning Islom birdamlik o'yinlaridagi umumiy natijasi 5 ta oltin va 1 ta kumush medalni tashkil etmoqda. Bu ko'rsatkich Akbar Jo'raevdan keyin eng yuqori natija hisoblanadi.

• Qizlarimizdan Rigina Adashbaeva va Tursunoy Jabborova ham qita miqyosida etakchilar qatorida ekanliklarini ko'rsatib, 3 tadan kumush va bronza medalni o'z nomlariga yozdirib qo'yishdi.

• O'zbekiston og'ir atletikasining faxrli vakillaridan biri Akbar Jo'raev kutilganidek, bu gal ham raqiblariga imkon qoldirmay, o'z ustunligini yana bir bor namoyon etdi va 3 ta oltin medalni yurtimiz g'aznasiga qo'shdi. SHu bilan Akbar Jo'raevning Islom birdamlik o'yinlaridagi medallari soni 6 taga etdi va ularning barchasi oltin! Bu ko'rsatkich — O'zbekiston sporti tarixidagi eng yuqori natija hisoblanadi.

• SHuningdek, VI Islom birdamlik o'yinlarida O'zbekiston delegaciyasining bayroqdorlik sharafi ham og'ir atletikachilarimizga nasib etdi. Bu masuliyatni SHarofiddin Amriddinov  alo darajada bajardi. Ayniqsa, ilk bor mutlaq vazn toifasi — +110 kgda ishtirok etgan SHarofiddin musobaqani chiroyli ruhda yakunlab, bronza medal sohibi bo'ldi va eng og'ir vazn toifasida delegaciyamiz hisobiga navbatdagi medalni taqdim etdi. Bu esa yurtimiz sportchilari hatto mutlaq vazn toifasida ham etakchilar safida ekanligini yana bir bor isbotladi.

Eslatib o'tamiz, og'ir atletikachilarimiz Turkiyaning Konya shahrida o'tgan V Islom birdamlik o'yinlarida 15 ta medalni qo'lga kiritgan edi.