Og'ir atletika. CHirchiqda O'zbekiston chempionati yakunlandi + FOTO

Musobaqaning oltinchi kunigacha bo'lgan natijalar haqida avval batafsil xabar bergan edik. CHempionatning keyingni ikki kunligida yosh va umidli atletlar bilan birgalikda Olimpiada chempioni Ruslan Nurudinov, qoraqalpog'istonlik Rustam Jangabaev kabi nomdor sportchilar ham  chempionatda ishtirok etib, muxlislarga mahoratlarini namoyish etishdi. 

102 kg.da ishtirok etgan Ruslan Nurudinov dast va siltab ko'tarishda 165+195 kg. natija qayd etib, chempionlikka erishgan bo'lsa, qoraqalpog'istonlik Rustam Jangabaev dast ko'tarishda 200 kg. og'irlikni osonlik bilan o'ziga bo'ysundirdi. Ammo Jangabaev ancha oldin olgan eski jarohati tufayli siltab ko'tarish bahslarini o'tkazib yuborishga majbur bo'ldi. 

Musobaqani kuzatishlarimiz davomida amin bo'ldik-ki, milliy terma jamoa uchun munosib va ishonchli yosh atletlar avlodi bo'y ko'ratmoqda. Demak, og'ir atletkachilarning musobaqaning so'nggi kundagi natijalari bilan tanishamiz. 

Ettinchi kun. Yoshlar. 109 kg. vazn toifasi

1. Nurbol Abdirashitov (Toshkent v., 154+175 kg)-329 kg

2. Ruslan Irisbaev (O'zDJTSU, 143+175 kg)-318 kg

3. SHahriddin Abdunazarov (Qashqadaryo, 140+174 kg)-314 kg.

Kattalar. 109 kg.  vazn toifasi

1. SHarofiddin Amriddinov (Samarqand, 170+205 kg)-375 kg

2. Nurbol Abdirashitov (Toshkent v., 154+175 kg)-329 kg

3. Ruslan Irisbaev (O'zDJTSU, 143+175 kg)-318 kg.

Yoshlar. +109 kg vazn toifasi

1. SHaxboz SHokirjonov (CHOPSTTM, 146+175 kg)-321 kg

2. Ernazar Jannazaroa (Qoraqalpog'iston, 126+150 kg)-276 kg

3. Mansur Ermamatov (Qoraqalpog'iston, 110+140 kg)-250 kg 

Erkaklar. +109 kg. vazn toifasi

1. Muhammad Yusupov (Xorazm, 177+197 kg)-374 kg

2. Mirxosil Mirzaboev (Toshkent v., 160+190kg)-350 kg

3. SHoxrux Abdullaev (Toshkent sh, 111+141 kg)-252 kg.

Musobaqa yakuniga etgach, g'olib va sovrindorlar diplom, medal va esdalik sovg'alari bilan mukofotlanishdi. Taqdirlash marosimida O'zbekiston Respublikasi Yoshlar siyosati va sport vaziri o'rinbosari, O'zbekiston og'ir atletika federaciyasi raisi o'rinbosari SHahrullo Mahmudov ishtirok etdi.

Ilhom RAHMONOV tayyorladi, o'z muxbirimiz