Og'ir atletika. Ikki nafar hamyurtimiz JCHdagi ishtirokini boshladi, bugun Doston Yoqubov chiqish qiladi

Bugun musobaqaning ikkinchi kuni doirasida erkaklar o'rtasida -67 kg vazn toifasida bellashuvlar tashkil etiladi. 

Ushbu vazn toifasida yurtimiz sharafini Doston Yoqubov himoya qiladi. Bahslar Toshkent vaqti bilan soat 21:00da boshlanadi. 

Kecha JCH doirasida hamyurtlarimiz Adhamjon Ergashev va Jamila Panfilova chiqish qildi. 

61 kg vazn toifasida Adhamjon Ergashev dast ko'tarishda 126, siltab ko'tarishda 160, umumiy hisobda 286 kg natija ko'rsatdi.

55 kg vaznli Jamila Panfilova esa dast ko'tarishda 87, siltab ko'tarishda 102, umumiy hisobda 189 kg toshni o'ziga bo'ysundirdi. 

Hamyurtlarimizning ushbu natijalari medallar uchun etarli bo'lmadi.