13 okt 13:14
Yangiliklar
Og'ir atletika
Og'ir atletika. Ikki nafar sportchimizdan uchta medal!
Bahraynda bo'lib o'tayotgan Osiyo chempionati o'zining avj pallasiga kirib ulgurdi.
Kecha beshinchi kun doirasida -81 kgda sovrindorlar aniqlandi. Quvonarlisi, ushbu vaznda ishtirok etgan ikki sportchimiz ham medalga ega chiqishdi.
Muhammadqodir Toshtemirov dast ko'tarishda 154 kg natija bilan kumush medalni qo'lga kiritdi.
Siltab ko'tarishda esa Toshtemirov ikkinchi o'rinni rasmiylashtirgan. U 192 kg natija bilan kumushga erishgan. Ushbu yo'nalishda Og'abek To'xtaev 189 kg natija bilan bronza medaliga ega chiqdi.
Ikkikurash bahsida Muhammadqodir Toshtemirov 346 kg natijaga erishgan holda bronza medalini qo'lga kiritgan. Og'abek esa 334 kg natija bilan to'rtinchi o'rinni band etdi.
Havola :
Manba : olamsport.com
Fikrlar