Og'ir atletika. Kattalar o'rtasida JCH: Vakillarimiz ishtirok etadigan vaqtlar malum

Yurtimizda bo'lib o'tishi rejalashtirilgan musobaqada dunyoning 80ga yaqin mamlakatidan 400dan ortiq sportchi “Yunusobod” sport majmuasi supachasiga ko'tarilishi kutilmoqda. 

CHempionatga puxta tayyorgarlik ko'rgan O'zbekiston terma jamoasi tarkibida Rio-2016 va Tokio-2020 chempion va rekordchilari Ruslan Nurudinov (jahon rekordi ham unga tegishli) va Akbar Jo'raev ham ishtirok etadi. SHuningdek, Adhamjon Ergashev, Doston Yoqubov, Muhammadqodir Toshtemirov, Sarvarbek Zafarjonov va yana bir qator sportchilarimiz salohiyatini namoyish qilishiga ishonamiz. Ayollar terma jamoasi vakili, Tokio Olimpiadasi rekrodchisi Muattar Nabieva ushbu musobaqada ishtirok etmaydi, lekin bir qator yosh sportchi qizlarimiz dunyoning eng kuchli atletlari bilan kurashda ulkan tajriba orttirishadi hamda bu ularga Parij-2024 yo'llanmasini qo'lga kiritishda as qotadi degan umiddamiz.

Ayni paytda musobaqaning barcha rasmiy jarayonlari, shu qatorda ishtirokchi va ularning chiqish vaqtlari malum bo'ldi.

Atletlarimizning musobaqada qatnashish vaqti bilan tanishtirib o'tamiz:

Ayollar

-49 kg. Zuhra Otajonova - 19:00 (8.12) 

-55 kg. Jamila Panfilova - 16:00 (9.12)

-71 kg. Kumushxon Fayzullaeva - 19:00 (13.12)

-87 kg: Tursunoy Jabborova - 19:00 (16.12)

Erkaklar

-67 kg. Adhamjon Ergashev - 16:00 (10.12)

             Doston Yoqubov - 16:00 (10.12)

-81 kg. Muhammadqodir Toshtemirov 19:00 (12.12)

-89 kg. Otaxon Imomov - 10:30 (13.12) (B guruh)

-89 kg. Sarvarbek Zafarjonov - 16:00 (13.12)

-96 kg. Hojiakbar Olimov - 08:30 (14.12) (C guruhi)

-96 kg. Qurbonmurod Namozov - 13:00 (15.12)

-109 kg. Ruslan Nurudinov - 16:00 (16.12)

                Akbar Jo'raev - 16:00 (16.12)

+109 kg. Mirhosil Mirzaboev - 08:00 (17.12) (C guruh).

O'zbekiston og'ir atletika federaciyasi matbuot xizmati