24 mar 15:54
Yangiliklar

Og'ir atletika

Og'ir atletika. Kattalar o'rtasidagi O'zbekiston chempionatda qaysi jamoa qancha medal jamg'ardi?

Teglar : Og'ir atletika

Xiva shahridagi Milliy va Olimpiya sport turlariga ixtisoslashtirilgan maktab-internatda 3 kun davom etgan kattalar o'rtasidagi O'zbekiston chempionatida 141 nafar erkak va ayol sportchilar g'oliblik uchun supachaga chiqishdi.

SHundan 73 nafarini erkaklar, 68 nafarini esa ayollar tashkil etdi. Sportchilar 10 tadan vazn toifasida musobaqalashdi.

CHempionatda mezbonlar to'liq tarkib bilan qatnashdi (10 nafardan erkak va ayol). Toshkent, Samarqand viloyatlari va Qoraqalpog'iston Respublikasi erkaklar jamoasi to'liq 10 nafar sportchidan iborat bo'ldi.

Medallar jamg'arishda mezbon Xorazm viloyati vakillari jami 12 ta medal (5ta oltin, 4ta kumush, 3ta bronza) bilan 1-o'rinni egalladi. 2-o'rinni umumiy 6 ta medal (5-1-0) bilan Toshkent viloyati sportchilari band etishgan bo'lsa, kuchli uchlikni 6ta medal (2-3-1) bilan Buxoro viloyati sportchilari yakunlab berishdi.

O'zbekiston og'ir atletika Federaciyasi matbuot xizmati