Og'ir atletika. Madinabonu Jo'raeva Osiyo chempionatida chiqish qildi

Ushbu vazn toifasida yosh umidli sportchimiz Madinabonu Jo'raeva yurtimiz sharafini himoya qildi. 

Nafaqat o'z vaznida, balki chempionat ishtirokchilari ichida eng yoshlaridan biri bo'lgan Madinabonu o'z oldiga qo'yilgan vazifani uddaladi desak mubolag'a bo'lmas. Dast ko'tarishda sportchimiz 82 kg og'irlikni ko'targan bo'lsa, siltab ko'tarishda 100 kg natijani qayd etdi. Jo'raevaning chiqishlaridan kelib chiqib, ishonch bilan aytish mumkinki Madinabonu hali katta arenalarda o'z so'zini aytadi va kelajakda xalqaro musobaqalar g'olibasiga aylanadi. 

G'oliblik esa Xitoy Taypey vakilasi CHen Ven Xueyga nasib qildi. CHen Ven har ikki yo'nalishda ham raqibalarini ortda qoldirib, ishonchli tarzda birinchi bo'ldi. Ikkinchi o'rin uchun esa kurash filippinlik Andro Elrin hamda janubiy koreyalik Xan So Jin o'rtasida kechdi. Dast ko'tarish mashqidan keyin koreyalik sportchi raqibasini 2 kgga ortda qoldirayotgan va o'zi 2-pog'onada edi, biroq siltab ko'tarishda Andro Elrin 119 kg toshni o'ziga bo'ysundira oldi va ikki kurash hisobida kumush medalga ega chiqdi.  

SHu o'rinda yaponiyalik Yoshida Akanening chiqishlarini alohida tilga olish zarur. Sababi Yaponiya vakilasi dast ko'tarishdan keyin etakchidan 6 kgga ortda qolayotgan va Xitoy Taypey, Janubiy Koreya sportchilari bilan tengma-teng kelayotgandi. Biroq siltab ko'tarishdagi omadsizlik (uchala imkoniyatda ham 118 kg tosh bo'ysunmadi) sabab Yoshida uyiga quruq qo'l bilan qaytadigan bo'ldi.