Og'ir atletika. Milan Mixaylovich O'zDJTSUda seminar o'tkazdi

Bugun, 13 fevral kuni Belgrad davlat universiteti professori, Serbiya og'ir atletika federaciyasi prezidenti, Xalqaro Og'ir atletika federaciyasi texnik komitet azosi, Evropa og'ir atletika federaciyasi murabbiylik va ilmiy izlanish komiteti azosi Milan Mixaylovich O'zbekiston davlat jismoniy tarbiya va sport universitetda mehmon bo'ldi.

Dastavval mehmon universitetda talabalar uchun yaratilgan shart-sharoitlar bilan yaqindan tanishdi hamda og'ir atletika talim yo'nalishida tehsil olayotgan talabalar uchun seminar tashkil etildi.

Seminarda serbiyalik olim sport sohasidagi ilmiy tadqiqot ishlarida innovaciyalardan foydalanish, ilmiy-ijodiy yangiliklar va kreativ loyihalardan foydalanish borasida talabalarga zarur tavsiyalarini berdi.

SHundan so'ng O'zbekiston davlat jismoniy tarbiya va sport universiteti rektori, professor Maxmudjon Boltabaev bilan rasmiy uchrashuv bo'lib o'tdi.

Uchrashuvda o'zaro hamkorlik aloqalarini yanada rivojlantirish, ayniqsa talabalarga og'ir atletika talim yo'nalishlarida zamonaviy bilimlarni berish, ularning intellektual salohiyatini oshirish, o'zaro tajriba almashish masalalari kelishib olindi. SHuningdek, Serbiyadagi jismoniy tarbiya va sport oliy talim muasasalari bilan aloqalar o'rnatish bo'yicha takliflar ko'rib chiqildi.

Malumot uchun, Milan Mixaylovich poytaxtimizda o'tkazilgan 6-Xalqaro birdamlik musobaqasida ishtirok etdi. 2020 yil 14 fevralda boshlanadigan o'smirlar va yoshlar o'rtasidagi Osiyo chempionatida ham qatnashishi rejalashtirilgan.

O'zDJTSU matbuot xizmati