Og'ir atletika: Nabieva ham JCHning bronza medalini qo'lga kiritdi

Bugungi bellashuvlarni erkaklar o'rtasida -67 kg vazn toifasidagi atletlar boshlab bergan va unda hamyurtimiz, yoshlar o'rtasida jahon chempioni Adhamjon Ergashev bronza medaliga sazovor bo'lgani haqida xabar bergandik.

Jahon chempionatining bugungi dasturidan o'rin olgan ayollar o'rtasida -55 kg vazn toifasidagi bahslarda terma jamoamizning yosh va umidli sportchilaridan biri Muattar Nabieva ham sovrindorga aylandi. U siltab ko'tarish mashqlarida 96 kilogramlik toshni o'ziga bo'ysundirdi va kichik bronza medaliga sazovor bo'ldi.

Afsuski siltab ko'tarish mashqlarida Muattarning omadi yurishmadi. U avvaliga 112 kg, keyin esa 113 kg toshni ko'tarishda xatoga yo'l qo'ydi va nihoyat uchinchi urinishda 116 kg natija qayd etdi. Natijada hamyurtimiz siltab ko'tarish va ikki kurash musobaqalari yakuniga ko'ra 6-o'rin bilan kifoyalandi.

SHunga qaramay Muattar Nabieva ham Tokio-2020 olimpiadasi uchun juda muhim bo'lgan reyting ochkolarini qo'lga kiritdi va kelgusi yil Yaponiya davlatida bo'ladigan to'rt yillikning nufuzli musobaqasi sari muhim qadam tashladi.