07 dek 13:50
Yangiliklar

Og'ir atletika

Og'ir atletika, O'zbekiston terma jamoasi jahon chempionatini umujamoa hisobida kuchli uchlikda yakunladi

Teglar : Og'ir atletika

Bir hafta davomida AQSHning Anaxaym shahrida o'tkazilgan og'ir atletika bo'yicha jahon chempionati yakunlandi.

Musobaqaning so'nggi kunida eng og'ir vazndagi polvonlar jahon chempionligi uchun o'zaro kurash olib borishdi. 105 kilogrammdan yuqori vazn toifasida yurtimiz sharafini himoya qilgan Rustam Djangabaev dast ko'tarishda 200 kg., siltab ko'tarishda 247 kg., ikkikurashda 447 kg. og'irlikda tosh ko'tarib to'rtinchi o'rinni egalladi.

Ushbu vazn toifasida jahon chempionligi gruziyalik Lasha Talaxadzega nasib etdi. U ikkikurashda 477 kg. og'irlikni o'ziga bo'ysundira oldi. Kumush va bronza medallariga esa eronlik ikki sportchi Said Alixusayni (454 kg.) va Bexdad Salimikordasiabi (453 kg.) sazovor bo'lishdi.

O'zbekistonlik atletlar jahon chempionatida jami 5 ta medalga ega chiqishdi. Doston Yoqubov oltin medalni qulga kiritib, jahon chempionligini tantana qilgan bo'lsa, yoshlar o'rtasida jahonning ikki karra chempioni Farxodbek Sobirov ilk marotaba kattalar o'rtasidagi jahon chempionatida kumush medalini qo'lga kiritdi.

Ivan Efremov terma jamoamiz hisobiga bir yo'la ikkita sovrin – kumush va bronza medallarini qo'shib qo'ydi. SHuningdek, Adhamjon Ergashev ham bronza medali egasiga aylandi. Natijada O'zbekiston terma jamoasi jahon chempionatida 54 ta mamlakat vakillari orasida Eron va Koreya Respublikasi terma jamoalaridan so'ng faxrli uchinchi o'rinni egalladi.

Etiborlisi, terma jamoamiz kattalar o'rtasidagi jahon chempionatida o'z tarixida birinchi marta umumjamoa hisobida kuchli uchlikka kira oldi. O'zbekiston Milliy olimpiya qo'mitasi terma jamoamizning kattalar o'rtasidagi jahon chempionatidagi muvaffaqiyatli ishtiroki bilan O'zbekiston og'ir atletika federaciyasi jamoasini, milliy terma jamoamiz murabbiylar shtabi va sportchilarimizni, shuningdek, yurtimiz sport muxlislarini muborakbod etadi.

Atletlarimizga oldinda turgan muhim musobaqalar III o'smirlar Olimpiadasi, XVIII Osiyo o'yinlari hamda Tokioda bo'lib o'tadigan XXXII yozgi Olimpiya o'yinlarida ham yorqin g'alabalar va muvaffaqiyatli ishtirok tilaydi.