03 noy 11:11
Yangiliklar
Og'ir atletika
Og'ir atletika. O'zbekiston terma jamoasi Osiyo Kubogini umujamoa hisobida birinchi o'rinda yakunladi
Janubiy Koreyaning Yanggu shahrida og'ir atletika bo'yicha Osiyo Kubogi hamda klublar o'rtasidagi Osiyo chempionati bahslari yakunlandi.
Musobaqada qitamizning 16 ta mamlakatidan 110 nafar sportchi ishtirok etdi. Uning so'nggi kunida eng og'ir vazndavgi polvonlar o'zaro kurash olib borishdi.
105 kg. vazn toifasida
terma jamoamizning bir yo'la ikki azosi ishtirok etdi. Akbar Jo'raev dast
ko'tarishda 173 kg, siltab ko'tarishda 201 kg, ikkikurashga ko'ra 374 kg.
natijasi bilan birinchi o'rinni egalladi va oltin medalga sazovor bo'ldi.
Toshkent viloyatilik ushbu yosh sportchiga mutaxassislar o'zbek og'ir
atletikasining kelajagi sifatida tarif berishayotgandi. Akbar Koreyadagi
ajoyib muvaffaqiyati bilan bunday tarif unga bejizga berilmaganini
amalda isbotlay oldi.
Musobaqada hamyurtimizga
asosiy raqobatni Koreya va yaponiyalik atletlar yuzaga keltirishdi. Natijada
mezbon sportchi Je Min Xo 366 kg. natija bilan kumush medalini qo'lga
kiritgan bo'lsa, kunchiqar yurt vakili Tada Yoshixiro summada 355 kg.
og'irlikdagi tosh ko'tarib kuchli uchlikka yakun yasab berdi.
Musobaqa yakunlariga
ko'ra erkaklar o'rtasida tashkil etilgan bahslarda O'zbekiston terma jamoasi
16 ta davlat vakillari orasida umujamoa hisobida birinchi o'rinni
egalladi. Ikkinchi o'rindan eronlik sportchilar joy olgan bo'lsalar,
musobaqa mezbonlari – koreyalik atletlarga uchinchi o'rin nasib etdi.
Qizlar o'rtasida
o'tkazilgan bellashuvlar yakuniga ko'ra terma jamoamiz Koreya termasidan so'ng
faxrli ikkinchi o'rinni egalladi. Uchinchi o'rinda esa Mongoliya terma
jamoasi qayd etildi. Quvonarlisi, 58 kg. vazn toifasida oltin medalini
qo'lga kiritgan Muattar Nabieva ayollar o'rtasida musobaqaning eng yaxshi
sportchisi deb tan olindi.
Demak, og'ir atletika
bo'yicha O'zbekiston terma jamoasi yana bir xalqaro musobaqani muvaffaqiyatli
yakunladi. 5 kun davomida sportchilarimiz tomonidan Koreyaning Yanggu
shahrida jami 18 ta oltin, 12 ta kumush hamda 12 ta bronza medallari qo'lga
kiritildi.
O'zbekiston Milliy
olimpiya qo'mitasi mamlakat og'ir atletika federaciyasi, terma jamoamiz
murabbiylar shtabi va albatta sportchilarimizni ushbu muvaffaqiyat bilan
muborakbod etadi va kelgusi musobaqalarda ham omad va zafarlar tilaydi.
Havola :
Manba : olympic.uz
Fikrlar