Og'ir atletika: O'zbekiston terma jamoasi Xitoy va Eronni ortda qoldirib, qitada birinchi bo'ldi

Etiborlisi, chempionatning deyarli har bir kunida hamyurtlarimiz sovrinli o'rinlarni qo'lga kiritib, O'zbekiston sport sharafini ulug'ladi.

CHempionatning dastlabki kunida 67 kg vazn toifasida Adhamjon Ergashev 3 ta oltin medalni, keyingi kunlarda 73 kg vazn toifasida Doston Yoqubov dast ko'tarishda bronza, siltab ko'tarish va ikki kurash natijasiga ko'ra, oltin, 81 kilo og'irlikdagi bahslarda Muhammadqodir Toshtemirovda 2 ta kumush va 1 ta bronza medaliga, yosh sportchimiz Og'abek To'xtaev bronza medaliga, 87 kg vazn toifasidagi bellashuvlarda hamyurtimiz Tursunoy Jabborova dast ko'tarishda kumush, ikki kurashda bronza medaliga ega chiqishdi.

Musobaqaning 102 kg vazn toifasida yurtimiz sharafini himoya qilgan SHarofiddin Amriddinov 1 ta oltin va 2 ta bronza medallariga musharraf bo'lishi g'alabalarimiz bardavom ekanligini ko'rsatdi.

SHu o'rinda aytish lozim, Amriddinov dast ko'tarish mashqida 172 kg bilan Tokio-2020 Olimpiadasi chempioni qatarlik Elbah Faresni ortda qoldirib, oltin medal sohibiga aylanishi yurtimizda ushbu vaznda yana bir iqtidor sohibi kamolga etayotganligini anglatmoqda.

So'nggi sarhisobga ko'ra, O'zbekiston terma jamoasi 6 ta oltin, 3 ta kumush, 10 ta bronza medali bilan 1-o'rinni, 4 ta oltin, 5 ta kumush, 7 ta bronza medal olgan Eron vakillari 2-o'rinni, 4 ta oltin, 3 ta kumush medal sohibi bo'lgan Xitoy terma jamoasi kuchli uchlikni yakunlagan bo'lsa, Qozog'iston, Bahrayn jamoalari ulardan keyingi pog'onalardan joy olishdi.

Yana bir o'ziga xos jihati O'zbekiston terma jamoasi Olimpiya o'yinlari va jahon chempionati g'oliblari Ruslan Nurudinov va Akbar Jo'raevning ishtirokisiz shunday natijaga erishish bilan qita chempionatida ilk bor medallar soni jihatdan doimiy peshqadamlar Xitoy hamda Eron terma jamoalarini ortda qoldirishga muvaffaq bo'ldi.

Joriy yilning 5-16 dekabr kunlari Kolumbiyada o'tadigan jahon chempionatiga tayyorgarlik vazifasini o'tagan mazkur chempionat davomida undan ishtirok etgan 29 ta davlat terma jamoalaridan atigi 13 tasi sovrinli o'rinlarni qo'lga kiritdi. 16 ta terma jamoalar esa o'z yurtlariga medalsiz qaytishdi.

Qita chempionatida zafar quchgan og'ir atletikachilarimiz bugun Toshkentga qaytib kelishadi.

To'lqin RO'ZIEV.