Og'ir atletika. Samarqandda jahon chempionatiga boradigan yosh og'ir atletikachilar aniqlanmoqda

Joriy yil mart oyida Albaniyada bo'lib o'tadigan Jahon chempionatiga saralash musobaqasi bo'lgan chempionatning ortda qolgan kunlarida bir qator vaznlarda g'olib va sovrindorlar aniqlandi.

Jumladan qizlar o'rtasida 55 kilogram vaznda o'tkazilgan bahslarda qashqadaryolik SHahnoza Jabborova dast ko'tarishda 78, siltab ko'tarishda 100 va ikki kurash natijasiga ko'ra, 178 kilo toshni o'ziga bo'ysundirdi va oltin medalga sazovor bo'ldi. Kumush medal yana bir qashqadaryolik og'ir atletikachi Ziyoda Xudoyqulovaga nasib etdi. U dast ko'tarishda 74, siltab ko'tarishda 85, ikki kurashda 160 kilo toshni ko'tarishga erishdi. Ushbu vaznda bronza medaliga ega chiqqan namanganlik Zarbonu Rahimjonova 61/74/135 ko'rsatkichni qayd etdi.

SHuningdek, o'g'il bolalar o'rtasida 55 kilogrammda Miraziz Mirsobirov (Namangan) 94/120/214 bilan oltin,  Bobur Yoqubov (Jizzax) 90/105/195 bilan kumush va  Navro'z Mahmudov (Samarqand) 86/103/189 bilan bronzali bo'lishdi. O'smirlar o'rtasida 61 kilogramm vaznda Azizbek SHomurotov (Xorazm) 103/134/237, Javohir G'afurov (Samarqand) 102/123/225, Omadbek Sodiqjanov (Namangan) 101/123/225 shoxsupadan joy olishdi.

Bugun, 24 fevral kuni qizlar o'rtasida 59 kilogrammda, o'g'il bolalar orasida esa 67, 73, va 81 kilo og'irlikda O'zbekiston chempionlari aniqlanadi.

Mamlakat birinchiligi bahslari 27 fevralga qadar davom etadi.