Og'ir atletika. Toshkent birinchi marta yoshlar o'rtasida jahon chempionatiga mezbonlik qiladi

Bugungi kungi holatga ko'ra, musobaqada hozircha jahonning 50 dan ortiq mamlakat vakillari ishtirok etishi aniq bo'lib ulgurgan. Ushbu raqam musobaqa boshlangangunga qadar ko'tarilishi aniq.

SHuningdek, chempionat boshlanishi arafasida poytaxtimizdagi “International hotel” mehmonxonasida Xalqaro og'ir atletika federaciyasining Ijroiya Qo'mitasi yig'ilishi va navbatdagi Kongressi bo'lib o'tadi. Unda tashkilot prezidenti Tomash Ayyan ham ishtirok etishi kutilmoqda. Yoshlar o'rtasidagi jahon chempionatiga esa «O'zbekiston» sport majmuasi mezbonlik qiladi.

Terma jamoamiz murabbiylari musobaqada ishtirok etadigan sportchilarimiz ro'yxatini taqdim etishdi. Unga ko'ra, atletlarimiz jahon chempionatida quyidagi tarkibda qatnashadilar:

Yigitlar:

-62 kg: Muhammadali Kahramonov
-69 kg: Adhamjon Ergashev
-69 kg: Hakimjon SHamsiddinov
-77 kg: Muhammadqodir Toshtemirov
-77 kg: G'ayrat Aytmuratov
-85 kg: Zaynobiddin Mahamadaminov
-94 kg: Azimjon Xojiev
-105 kg: Akbar Jo'raev,
-105 kg: Saidmuxtor Saidahrorov
+105 kg: SHaxmerdan Kemalov.

Qizlar:

-48 kg: Zuhra Otajonova
-58 kg: Sayyora Esbergenova
-63 kg: Kumushxon Fayzullaeva
-69 kg: Zarnigor Abduraxmonova
-69 kg: Layloxon Xursanova
-69 kg: Rambergenova Bazargul
-75 kg: Gulnoza Ahmadova
-75 kg: Tursunoy Jabborova
-90 kg: Dolera Davronova
-90 kg: SHodmonoy Ochilova.

Terma jamoamiz azolari ayni paytda musobaqaga jiddiy tayyorgarlik olib bormoqdalar. Qizlar terma jamoamiz tayyorgarlikning so'nggi bosqichini 13 iyun – 4 iyul kunlari Qozog'istonda o'tkazadi. Erkaklar terma jamoasi esa 17 iyun – 8 iyul kunlari Rossiyada tashkil qiladigan o'quv-mashg'ulot yig'inlarida ishtirok etadi.

Malumot uchun, 2013 yilgi o'smirlar o'rtasidagi jahon chempionati ham Toshkentda o'tkazilgandi. Unda dunyoning 17 yoshgacha bo'lgan eng sara polvonlari g'oliblik uchun kurash olib borishgan. 20 yoshgacha bo'lgan atletlar o'rtasidagi jahon chempionatiga esa mamlakatimiz poytaxti birinchi marta mezbonlik qiladi.