Og'ir atletika: Toshkentdagi JCH oldidan tashkiliy qo'mita yig'ilishi o'tkazildi

SHuningdek, 19-21-dekabr kunlari poytaxtimizda Xalqaro og'ir atletika federaciyasining navbatdagi Kongressi ham tashkil etilishi rejalashtirilgan.

SHu munosabat bilan bugun “Yunusobod” sport majmuasida jahon chempionatini o'tkazish bo'yicha tashkiliy qo'mita yig'ilishi bo'ldi. Unga Turizm va sport vaziri o'rinbosari Avazjon Karimov raislik qildi.

Takidlash lozim, mazkur jahon chempionatida dunyoning 90ta davlatidan jami 480 nafar sportchi (shundan 190 nafari ayollar) 20ta vazn toifasida 60ta medallar jamlanmasi uchun bahs olib borishadi.

Sayyoramizda pandemik vaziyat yana jiddiy tus olayotgan bo'lishiga qaramay, dunyo sport jamoatchiligi O'zbekistondagi vaziyatdan xotirjam va shu bois Toshkentdagi musobaqaga jahonning deyarli barcha etakchi davlatlari ishtirok etish istagini bildirishmoqda.

Yig'ilishda jahon chempionatini yuqori saviyada o'tkazish, mehmonlarni kutib olishdan tortib musobaqa jarayonlarigacha xalqaro talablar darajasida tashkil etish kerakligi takidlandi. Bu yo'lda barcha vazirlik va idoralar hamjihatlikda harakat qilishi lozim. 

Zotan, ushbu jahon chempionati kabi nufuzli musobaqalar O'zbekiston tomoni uchun Toshkent-2025 yoshlar o'rtasida Osiyo o'yinlari oldidan o'ziga xos imtihon vazifasini o'tab beradi.