Og'ir atletika. Tursunoy Jabborova Misrdagi xalqaro turnirda sovrindor bo'ldi

Olimpiya o'yinlariga reyting ochkolarini jamg'arish imkonini beradigan ushbu turnirda yurtimiz sharafini Muattar Nabieva, Kumushxon Fayzullaeva, Dolera Davronova va Tursunoy Jabborovalar himoya qilishmoqda.

10 dekabr kuni o'tkazilgan bahslarda -55 kg vazn toifasida yurtimiz sharafini himoya qilgan Muattar Nabieva dast ko'tarishda 90 kg., siltab ko'tarishda esa 115 kg. toshni o'ziga bo'ysundirib va oltin medal sohibasiga aylangan edi.

-76 kg vazn toifasida ishtirok etgan sportchimiz Tursunoy Jabborova esa dast ko'tarishda 94 kg toshni o'ziga bo'ysundirdi va bronza medalini qo'lga kiritdi. Siltab ko'tarish va ikkikurash yakunlariga ko'ra u to'rtinchi natijani qayd etdi.

Ertaga, 13 dekabr kuni o'tkaziladigan bahslarda Dolera Davronova (-87 kg) supachaga ko'tariladi.