Og'ir atletikachi Rustam Jangaboevga “Nexia” avtomobilining kaliti topshirildi

Yangidan bunyod etilgan Olimpiya va milliy sport turlari bo'yicha ixtisoslashtirilgan oliy sport mahorat maktabida tashkil etilgan tadbirda sport faxriylari, murabbiylar, yosh sportchilar ishtirok etdi. 

Qitamizning eng kuchli sportchilari bellashgan nufuzli musobaqada mamlakatimiz terma jamoasi tarkibida qatnashgan og'ir atletikachi Rustam Jangaboev birinchi o'rinni egallab, oltin medalga sazovor bo'ldi. U 2016 yili Rio-de-Janeyro shahrida (Braziliya) bo'lib o'tgan XXXI yozgi Olimpiya o'yinlarida oltinchi o'rinni, Qatarning Doxa shahrida o'tkazilgan Osiyo kubogi musobaqasida birinchi o'rinni, joriy yil aprel oyida Turkmanistonda bo'lib o'tgan Osiyo chempionatida birinchi o'rinni egalladi. 

Tadbirda Vatanimiz bayrog'ini baland ko'tarib, xalqaro musobaqalarda yurtimiz dovrug'ini dunyoga tanitgan sportchi Rustam Jangaboevga “Nexia” avtomobilining kaliti topshirildi.

SHuningdek, V Osiyo o'yinlarida muvaffaqiyatli qatnashib, bronza medalga sazovor bo'lgan sportchilar – muaytay bo'yicha Ubbiniyoz To'reniyozov, erkin kurash bo'yicha Davletbike Yaxshimuratova va Sevara Eshmuratova hamda sportchilarni musobaqalarga tayyorlagan murabbiylar Mansur CHashimov, Qutlimurat Jumanov, Damir Hasanov va Nukusboy Daniyorovga televizorlar topshirildi.

G'olib sportchilarni Qoraqalpog'iston Respublikasi Jo'qorg'i Kengesi Raisi M.Erniyazov tabriklab, sovg'alar topshirdi.