Og'ir atletikachilarimiz Peru Gran-prisini muvaffaqiyatli boshlashdi

Har bir vazn toifasida sayyoramizning eng kuchli atletlari ishtirok etayotgan mazkur musobaqaning birinchi kuni terma jamoamiz uchun muvaffaqiyatli yakunlandi.

Dastlab yigitlar o'rtasida Adhamjon Ergashev -67 kilogramm vazn toifasida ishtirok etdi. Hamyurtimiz siltab ko'tarish mashqi bo'yicha 177 kilogramm natija qayd etib, ushbu yo'nalishning oltin medaliga sazovor bo'ldi. Ergashev dast ko'tarishda 136 kilogramm og'irlikni ko'targan edi. SHu tariqa hamyurtimiz ikki kurash bo'yicha 313 kilogramm bilan yakunda kumush medal sohibiga aylandi.

Peru Gran-prisi.
Erkaklar, -67 kg
1. Luis Xaver Moskera (Kolumbiya) – 318 kg (145 kg + 173 kg)
2. Adhamjon Ergashev (O'zbekiston) – 313 kg (136 kg + 177 kg)
3. Minxao Xuang (Xitoy) – 312 kg (146 kg + 166 kg)

SHuningdek, -55 kilogramm vazn toifasida supaga chiqqan Muattar Nabieva musobaqani 3 ta medal bilan yakunlandi. Andijonlik og'ir atletikachimiz dast ko'tarishda 93 kilogramm bilan kumush, siltab ko'tarishda 111 kilogramm bilan bronza va umumiy hisobda 204 kilogramm natija bilan shohsupaning ikkinchi pog'onasiga ko'tarildi.

Peru Gran-prisi.
Ayollar, -55 kg
1. Enni Siniterra (Kolumbiya) – 208 kg (94 kg + 114 kg)
2. Muattar Nabieva (O'zbekiston) – 204 kg ( 93 kg + 111 kg)
3. Ana Lopes Ferrer (Meksika) – 202 kg (90 kg + 112 kg)

Mazkur Gran-pri kelasi yil Tokioda bo'lib o'tadigan Olimpiya o'yinlariga qimmatli reyting ochkolarini taqdim etishi bilan yana bir katta ahamiyat kasb etar edi. SHubhasiz, bu natijalar bilan hamyurtlarimiz Olimpiada reytingidagi pog'onalarini yanada yaxshilab olish imkoniyatiga ega bo'lishadi. Ertaga bo'lib o'tadigan bahslarda terma jamoamizning yana bir vakili Doston Yoqubov -73 kilogramm vazn toifasida yurtimiz sharafini himoya qiladi.