Og'ir atletikachilarimiz uchun kechagi kun yanada sermahsul bo'ldi

Yoshlar toifasida qatnashgan Jo'raeva dast ko'tarishda 85 kg, siltab ko'tarishda 105 kg hamda ikkikurashda 190 kg bilan barcha dasturda 3-o'rnini egalladi. O'smir qizlar bahsida esa Rajabova dast ko'tarsish mashqini 77 kg bilan yakunlab, ushbu dasturda bronza medalini qo'lga kiritdi. Sportchimiz siltab ko'tarishda 90 kg va ikki kurash natijasiga ko'ra 167 kg bilan 5-o'rindan joy oldi.

Osiyo chempionatida -73 kg vazn toifasining bahslari ham hamyurtlarimizning benefisiga aylandi. Boisi ushbu dasturdagi chiqishlari bilan ham o'smirlar, ham yoshlar toifasida qatnashgan polvonlarimiz 9 ta medalga sazovor bo'lishdi.

O'smirlar o'rtasida kechgan bellashuvda Hikmatillo Haydarov dast ko'tarishda 127 kg, siltab ko'tarishda 160 kg va ikki kurashda 287 natija ko'rsatib, mutlaq chempionlikni tantana qildi. SHuningdek, mazkur yo'nalishda ishtirok etgan Isroilbek Ismoilov umumiy hisobda 264 (116+148) kg bilan bilan 3 ta bronza medaliga ega chiqdi. Yoshlar toifasida qatnashgan Abdulaziz Alimjonov esa ikki kurash bo'yicha 293 (133+160) kg bilan barcha yo'nalishlarda kumush medallarga sazovor bo'ldi.