31 okt 09:30
Yangiliklar
Og'ir atletika
Og'ir atletikachilarimizdan oltin medallar
Janubiy Koreyaning Yanggu shahrida og'ir atletika bo'yicha Osiyo Kubogi hamda klublar o'rtasidagi Osiyo chempionati bahslari boshlangani xaqida xabar berib o'tgandik.
Bugun, musobaqaning ikkinchi kunida -58 kg. vazn toifasida chiqish qilgan Muattar Nabieva dast ko'tarishda 91 kg, siltab ko'tarishda 106 kg, umumiy 197 kg. natija bilan Osiyo kubogida oltin medalga sazovor bo'ldi. Demak, Muattar Osiyo kubogi hamda klublar o'rtasidagi Osiyo chempionatida delegaciyamiz hisobiga dastlabki oltin medalni keltirdi.
Bugun shuningdek,
erkaklar o'rtasida 77 kg. vazn toifasida ishtirok etgan Sarvar Toshtemirov
dast ko'tarishda 143 kg, siltab ko'tarishda 168 kg, umumiy hisobida 311 kg.
og'irlikni o'ziga bo'ysundirib, oltin medal sohibiga aylandi. Natijada
musobaqaning birinchi kunida kumush va bronza medallariga ega chiqqan
o'zbekistonlik atletlar bugun delegaciyamiz hisobiga bir yo'la ikkita oltin
medalni qo'shib qo'yishdi.
Eslatib o'tamiz,
musobaqaning birinchi kun natijalariga ko'ra erkaklar o'rtasida 56 kg. vazn
toifasida Muhammadali Qaxramonov dast ko'tarishda 111 kg, siltab
ko'tarishda 145 kg. og'irlikni o'ziga bo'ysundirib, umumiy 256 kg. natijasi
bilan bir yo'la oltita kumush medallarini qo'lga kiritgandi. ( 3ta kumush
Osiyo Kubogida, yana 3 ta kumush klublar o'rtasidagi qita chempionatida).
Xotin-qizlar o'rtasida
48 kg. vazn toifasida chiqish qilgan Maxliyo Tog'oeva esa dast ko'tarishda 68
kg, siltab ko'tarishda 87 kg, ikkikurashda umumiy 155 kg. natija bilan
bronza medaliga ega chiqqan va terma jamoamiz hisobiga uchta bronza
medalini qo'shib qo'ygandi.
Malumot uchun,
musobaqalar 2 noyabrga qadar davom etadi. Ertaga, 31 oktyabr sanasida
ayollar o'rtasida 63 hamda 69 kg. vazn toifalarida bellashuvlar o'tkazilsa,
erkaklar o'rtasidagi bahslar 77 kg. vazn toifasida tashkil etiladi.
Musobaqalar davom etadi.
Havola :
Manba : olympic.uz
Fikrlar