Og'ir atletikachilarimizning yig'ini CHirchiqda davom etmoqda

Bahrom Mendiboev qo'l ostidagi jamoamiz Respublika sport tibbiyoti ilmiy-amaliy markazi xodimlarining nazorati ostida shug'ullanishyapti. Mazkur yig'in 2 aprelgacha davom etishi rejalashtirilgan bo'lib, ushbu vaqt mobaynida sportchilarimiz texnik va taktik jihatlar bo'yicha o'z mahoratlarini oshirib olishi ko'zda tutilgan. Mashg'ulotlar karantin holatida olib borilmoqda. 

«Ayni paytda olimpiya o'yinlarga tayyorgarlik ko'rayotgan tarkibimiz bilan o'quv-mashg'ulot yig'inlarini davom ettirmoqdamiz. Oldimizda 2 ta asosiy musobaqa turibdi. Bular Osiyo chempionati va Olimpiya o'yinlari. Afsuski, hozirgi vaziyatda qita birinchiligining o'tishi so'roq ostida bo'lib turibdi. SHunday bo'lsa ham, jamoamiz bunga etibor qilmagan holda tayyorgarlikni davom ettirmoqda. Bu borada hukumatimiz bizga barcha sharoitlarni yaratib bergan. Yig'in davomida sportchilarimizning jismoniy tayyorgarligi bilan birga o'z vazn toifalari uchun belgilangan yuklamalarni ham nazorat qilmoqdamiz», – dedi Bahrom Mendiboev.