Og'ir atletikachimizdan olingan doping-sinamada aniqlangan taqiqlangan modda yuzasidan tekshiruv boshlandi

Jumladan, taqiqlangan moddalarni istemol qilish holatlariga yo'l qo'ymaslik va bunday holat yuz bergan bo'lsa sportchiga nisbatan jazo choralari qo'llanilmoqda.

Gap shundaki, joriy yilning mart oyida yoshlar va o'smirlar o'rtasida O'zbekiston chempionati o'tkazilgan bo'lib, mazkur chempionatda 17 yoshli sportchi Muxlisa Abdullaevadan (2-o'rinni egallagan) tegishli tartibda doping-sinama olingan edi. Afsuski, olingan doping-sinamada taqiqlangan modda aniqlangan.

O'zbekiston Milliy antidoping agentligi og'ir atletikachi M.Abdullaevaning doping-sinamasida "Testosteron va testosteron progormonlari" taqiqlangan moddalar aniqlanganligi yuzasidan o'rganish ishlarini boshladi.

Eslatib o'tamiz, Butunjahon antidoping kodeksi talablariga ko'ra, vaziyat yuzasidan o'rganish ishlari tugashiga va yakuniy xulosa chiqarilgunga qadar sportchi barcha musobaqalarda qatnashishdan vaqtincha chetlashtirib turiladi.