Olamsport.com sayti talqiniga ko'ra yilning eng yaxshilariga maxsus sovrinlar topshirildi + FOTO

Unda yurtimizda sport sohasida faoliyat olib borayotgan 19 nafar jurnalist va saytimizning telegramdagi muxlislari ishtirok etishgandi. 

11 ta yo'nalish bo'yicha 20 ta ovoz yakuniga ko'ra g'oliblar aniqlangandi. 

G'oliblar turli musobaqa va yig'inlarda ishtirok etganliklari sababli ushbu jarayon biroz kechikdi. 

Kuni kecha saytimiz vakillari sovrinni o'z egalariga topshirishdi. 

Yilning eng yaxshi erkak paralimpiyachisi yo'nalishida Husniddin Norbekov g'olib bo'ldi. U g'oliblik uchun Temur Giyasov va Doniyor Soliev bilan bellashgandi. Yakunda jahon rekordchisi, jahon chempioni, Paralimpiya o'yinlari g'olibi Husniddin Norbekov g'olib bo'ldi.  

Eng yaxshi ayol paralimpiyachi yo'nalishida esa pauerliftingchi qizimiz Rozaxon Qo'zieva g'olib bo'ldi. Unga mazkur yo'nalishda Nozimaxon Qayumova va Nafisa SHerifbaeva raqobat ko'rsatgandi.

Eng yaxshi hakam yo'nalishida qilichbozlik bo'yicha hakam sifatida faoliyat yuritayotgan Aida Hasanova g'olib bo'ldi. U ushbu so'rovnomada Ramziddin Saidov va Aleksandr Hamidovni ortda qoldirdi. 

Eng yaxshi ayol murabbiy sifatida kurash bo'yicha O'zbekiston ayollar terma jamoasi murabbiyi Dilfuza Rahmatova tengsiz bo'ldi. Ushbu yo'nalishda Rahmatovadan tashqari Dilnoza Bakirova va Liliya Vlasovaning nomzodi qo'yilgandi.