Olimpiada-2018. Gulbahor terma jamoamizga navbatdagi oltin medalni taqdim etdi!

Baydarka va kanoe bo'yicha qizlar o'rtasidagi yakkama-yakka bahslarda ishtirok etgan Gulbahor Fayzieva terma jamoamiz uchun muhim bo'lgan oltin medallarga ega chiqdi. Hamyurtimiz musobaqa davomida Yangi Zelandiya, Belarus, Qozog'iston vakilalaridan ustun kelib, finalgacha etib bordi. Hal qiluvchi chiqishda esa vengriyalik sportchini mag'lubiyatga uchratdi va oltin medal sohibasiga aylandi.

Bu O'zbekiston sport delegaciyasining Argentinadagi to'qqizinchi medalidir. Hamyurtlarimiz hisobida 3 ta oltin, 3 ta kumush va 3 ta bronza medallari mavjud. Bitta oltin va 1 ta bronza medallari mikst bahslarida qo'lga kiritilgan.