29 apr 11:44
Yangiliklar

Boks/MMA

Olimpiada hamda uch karra jahon chempioni Madrimov - Krouford oqshomida jang qilishi mumkin

Xabaringiz bor, 3 avgust kuni AQSHning Los-Anjeles shahrida navbatdagi boks oqshomi tashkil etiladi.

Uning markaziy jangida superyarim o'rta vaznda WBA chempioni Isroil Madrimov AQSH vakili Terens Kroufordga qarshi ringga chiqadi.

Oqshom doirasida Tokio-2020 Olimpiadasi chempioni, uch karra jahon chempioni, kubalik Endi Kruzning ham jang qilishi kutilmoqda. Unga prof faoliyatidagi to'rtinchi jangida meksikalik charm qo'lqop ustasi Antonio Moran (30-6-1) raqiblik qiladi.

Bu haqda International Boxing News nashri xabar bermoqda. Jang Kruzning IBF International kamari uchun o'tkaziladi. Endi Kruz prof ringda hozirgacha uchta jang o'tkazib, ularning barchasida raqiblaridan ustun kelgan.