13 apr 18:41
Yangiliklar

Dzyudo

Olot dzyudo maktabi asoschisi Rustam aka To'raevni tabriklaymiz!

Bugun o'zbek sportiga mashhur dzyudochilarni tarbiyalab bergan, xatto dunyoda ham etirof etiladigan Olot dzyudo maktabi asoschisi Rustam To'raev oila azolari davrasida tavallud ayyomlarini nishonlayaptilar.

Yuksak manaviyat va marifat sohibi bo'lgan Rustam To'raev bir nechta avlod dzyudochilariga ustozlik qildilar va bu jarayon bugungi kunda ham davom etmoqda. SHogirdlar orasida Rishod Sobirov, Ramziddin Saidov, Farhod To'raev, Kamol Murodov kabi mashhur dzyudochilarimizni alohida takidlash joiz.

Rustam To'raevning farzandi Farhod To'raev ota izidan borib, O'zbekiston dzyudosi tarixidan joy olishga muvaffaq bo'lgan. U 1999 yili Angliyaning Birmengem shahrida o'tkazilgan jahon chempionatida kumush medalni qo'lga kiritgan. Bu bilan kichik To'raev jahon chempionatida shohsupaga ko'tarilgan birinchi o'zbek dzyudochisi sifatida tarixga kirgan.

SHogirdlar orasida etuklik darajasiga chiqqanlardan Rishod Sobirov ikki karra jahon chempioni, 2008, 2012 va 2016 yillarda o'tkazilgan Olimpiya o'yinlarining bronza medali sohibi hisoblanadi.

Rustam To'raevning ko'p yillik mehnati hukumatimiz tomonidan munosib baholangan. Bugungi kun qahramonimiz O'zbekiston Respublikasida xizmat ko'rsatgan murabbiy unvoni hamda "El-yurt hurmati" ordeni bilan taqdirlanganlar.

Fursatdan foydalanib, Rustam To'raevga uzoq umr, sihat-salomatlik tilaymiz. Ilohim, ko'p yillar farzandlar, nabirayu chevaralar, shogirdlar rohatini ko'rib yursinlar!