Osaka "CHempionlar qanday o'ynaydi" nomli kitob taqdimotini o'tkazadi

Tennischi 8 dekabr kuni Los-Anjelesda (AQSH) o'zining "CHempionlar qanday o'ynaydi" nomli bolalar kitobi taqdimotini o'tkazishini malum qildi.

"Kelasi payshanba kuni chiqadigan "CHempionlar qanday o'ynaydi" nomli birinchi bolalar kitobimni intizorlik bilan kutyapman. Bu juda qiziqarli bo'ladi. U erda sizni ko'rishga umid qilaman", - deb yozdi yaponiyalik tennischi o'z Twitter sahifasida.

SHuningdek, Osaka  o'z kitobi haqidagi his-tuyg'ulari bilan o'rtoqlashdi.

"Bu mening ishlab chiqaruvchi kompaniyamning birinchi nashriyot loyihasi. Umid qilamanki, bu kitob bolalarni orzularini amalga oshirishga ilhomlantiradi va ular xohlagan narsani qila olishlariga ishonchini oshiradi. Bu ktiob mening yuragimda alohida o'rin tutadi, chunki tushumning bir qismi yosh qizlarni sportda qo'llab-quvvatlovchi fondimga yo'naltiriladi. Siz mening tarjimai holim yozilgan va imzoim qo'yilgan kitobni xarid qilishingiz mumkin,"- dedi Osaka.

Kitobning o'zi 6 dekabrda chiqadi. Malumki, uni sotishdan tushgan mablag'ning bir qismi yosh sportchilarni qo'llab-quvvatlovchi Osaka jamg'armasiga yo'naltiriladi.