Osiyo chempionati. 10 nafar bokschimiz oltin medal uchun jang qiladigan bo'ldi + FOTOGALEREYA

Kecha musobaqa doirasida yoshlar o'rtasida yarim final bellashuvlari bo'lib o'tdi. 

Unga ko'ra, 10 nafar bokschimiz g'alaba qozongan bo'lsa, 2 nafari bronza medali bilan O'zbekistonga qaytadigan bo'ldi. 

-48 kg vaznli bokschimiz Miralijon Mavlonov hindistonlik raqibga yutqazib qo'ydi va bronza medali bilan kifoyalandi.

-51 kg vaznli bokschimiz Xo'janazar Nortojiev hindistonlik raqibini mag'lub etdi va finalga yo'l oldi!

-54 kg vazn toifasida Abduvali Bo'riboev hindistonlik raqibga qarshi jangda ustunlikka erishishiga qaramay, hakamlar yakunda raqibning g'alabasini qayd etishgandi. O'zbekiston boks federaciyasi mazkur jang yuzasidan "protest" berdi. Bahs hakamlar qo'mitasi tomonidan ko'rib chiqildi va yakunda g'alaba hamyurtimizga qaytarib berildi.

-57 kg vaznli bokschimiz Baxtiyor Asadov qozog'istonlik raqibini mag'lub etdi va finalga yo'l oldi!

-60 kg vazn toifasida Suhrob Aminov tojikistonlik bokschiga yutqazib qo'ydi. BRONZA!

-63,5 kg vazn toifasida Javohir Ummataliev qozog'istonlik raqibini mag'lub etdi va finalga yo'l oldi.

-67 kg vazn toifasida Fazliddin Erkinboev iroqlik raqibini muddatidan oldin mag'lub etdi. Navbatdagi final!

-71 kg vazn toifasida Alisher Ayubov iordaniyalik raqibini mag'lub etdi va finalga yo'l oldi!

-75 kg vazn toifasida Rahmatillo Boymatov tojikistonlik raqibini muddatidan oldin mag'lubiyatga uchratib, finalga yo'l oldi.

-80 kg vazn toifasida Abdulaziz Abdurahmonov eronlik raqibini katta ustunlik bilan mag'lub etdi!

-86 kg vazn toifasida Jamoliddin Qozoqov tojikistonlik raqibini muddatidan oldin mag'lubiyatga uchratdi.

-92 kg vazn toifasida Aynazar Kenesbaev qirg'izistonlik bokschini mag'lubiyatga uchratdi va finalga chiqdi!

Bugun musobaqada dam olish kuni. Ertaga, 13 mart kuni o'smirlar o'rtasida, 14 mart kuni esa yoshlar o'rtasidagi final bahslari bo'lib o'tadi.