Osiyo chempionati. Muattar Nabievadan ikkita medal

Musobaqaning ikkinchi kuni kechki dasturda hamyurtlarimizdan yana biri medalga sazovor bo'ldi. 

-55 kg vazn toifasidagilar bellashuvida O'zbekiston termasi azosi Muattar Nabieva ham supachaga ko'tarildi.

Atletimiz dast ko'tarish mashqida 99 kg toshni o'ziga bo'ysundirdi va bu natija Muattarga kumush medal uchun etarli bo'ldi. 

Musobaqaning ikkinchi qismi, siltab ko'tarishda Nabieva 114 kg natija qayd etdi va ikki kurash natijasiga ko'ra, uchinchi pog'onani band etib, termamizga navbatdagi medalni taqdim etdi. Taxmin qilinganidek, g'oliblik uchun asosiy kurash Xitoy termasining ikki vakilasi o'rtasida bordi hamda yakunda Lyao Ksiyun jamoadoshini 1 kgga ortda qoldirib, oltin medalga sazovor bo'ldi. 

O'zbekiston og'ir atletika federaciyasi matbuot xizmati