Osiyo chempionatining ikkinchi kuni ham oltin medalga ega bo'ldik FOTOGALEREYA

“Yunusobod” sport majmuasi mezbonlik qilayotgan qita chempionatining tantanali ochilish marosimida Osiyo karate federaciyasi prezidenti, general-mayor Nasir Al Razuqi, Sportni rivojlantirish vaziri Adham Ikramov, MOQ Bosh kotibi Oybek Kasimov, Qo'mita raisi o'rinbosari SHerzod Tashmatov, Rashid Talipov boshchiligidagi O'zbekiston karate milliy federaciyasi mutasaddilari ishtirok etishdi.

Marosimda so'z olgan Nasir Al Razuqi musobaqa davlatimizning qo'llab-quvvatlashi bilan yuqori saviyada tashkil etilgani, ishtirokchi davlatlar uchun barcha sharoitlar yaratilganini takidlab o'tdi. SHuningdek, u mamlakatimizda karate tobora rivojlanib borayotganiga alohida to'xtaldi. O'z navbatida, Sportni rivojlantirish vaziri Adham Ikramov Prezidentimizning etibori bilan yurtimizda har bir sport turi rivoji, u bilan shug'ullanish uchun keng imkoniyatlar yaratib berilganini bildirdi.

SHundan so'ng kechki dasturdan o'rin olgan final bahslariga navbat berildi. Reglamentga ko'ra, bugun musobaqada 16-17, 18-21 yosh toifasidagi sog'lom sportchilar, shuningdek, para karatechilar o'rtasida g'olib va sovrindorlar aniqlandi. Unda O'zbekiston terma jamoasi 1 ta oltin, 3 ta kumush va 5 ta bronza medallariga ega bo'ldi.

Alimurod MAMADAMINOV, o'z muxbirimiz